काठमाडौं। राउन्ड टेबल नेपाल (RTN) ले हालैको बाढीबाट प्रभावित ३००० भन्दा बढी परिवारलाई अत्यावश्यक राहत सामग्री वितरण गरेको छ। यस बृहत् राहत अभियान अन्तर्गत खाद्यान्न, किराना सामान, लत्ताकपडा, सिरक, औषधि र आर्थिक सहयोग समावेश गरिएको थियो।
राउन्ड टेबल नेपालका अध्यक्ष त्रि प्रशेष अग्रवालले भने, "हाम्रो लक्ष्य बाढी पीडित परिवारहरूको तत्काल आवश्यकता पूरा गर्नु र यस कठिन समयमा उनीहरूलाई केही स्थिरता प्रदान गर्नु थियो।"
राहत वितरण काठमाडौं, भक्तपुर, काभ्रेपलाञ्चोक, मकवानपुर र झापा जिल्लाका विभिन्न स्थानहरूमा सम्पन्न भएको छ। कुल राहत वितरणको लागत ६ लाख ५० हजार रुपैयाँभन्दा बढी रहेको राउन्ड टेबल नेपालले जनाएको छ।
यस अभियानमा मिस नेपाल अस्मा केसीको सहभागिताले थप दृश्यता र समुदायको सहभागिता बढाउन मद्दत गरेको छ। राउन्ड टेबलले आफ्ना सदस्यहरू र स्वयंसेवकहरूको सहयोगमा यो राहत कार्यक्रम सञ्चालन गरेको हो।
गैरनाफामूलक संस्था राउन्ड टेबल नेपालले नेपालका पछाडि परेका समुदायहरूको जीवनस्तर सुधार्ने काममा निरन्तर लागिरहेको छ।
