विराटनगर । विराटनगर ९ मा रहेको हिमालय दर्शन कलेजले दशैंको अवसर पारेर सांगीतिक कार्यक्रम गरेको छ ।कलेज परिसरमा विद्यार्थीहरुले मंगलबार सांगीतिक कार्यक्रम आयोजना गरेको हो ।
सांगीतिक कार्यक्रममा विद्यार्थीहरुले नृत्य र गायन प्रस्तुत गरी रमाइलो प्रदान गरेका थिए । भित्रिएको वडा दशैंंको अवसर पारेर रमाइलो गर्ने उद्देश्यले सांगीतिक कार्यक्रम गरिएको कार्यक्रम संयोजक बिएससी सिएसआइटिका सातौं सेमिस्टरका विद्यार्थी दिपचन्द्र ओझाले जानकारी दिए ।
कार्यक्रममा हिमालय दर्शन कलेजमा अध्ययरत बिआइएच, बिसिए, बीबीएस, बिएचएम र बिएससी सिएसआइटीमा अध्ययनरत विद्यार्थीहरुले आ आफ्नो प्रतिभा देखाएका थिए ।
उनीहरुले गीत, नृत्य प्रस्तुत गरी भरपुर मनोञ्जन लिए । कार्यक्रममा विद्यार्थीलाई शिक्षकहरुले दशैंको टिका लगाएर आर्शिवाद दिएको थिए ।
