विराटनगर । यू–१९ नेपाली महिला क्रिकेट टोली विश्वकपमा छनोट भएको छ । एसियाली छनोटको अन्तिम खेलमा बुधबार यूएईलाई हराएर नेपालले पहिलोपटक विश्वकपमा स्थान बनाएको हो ।
महिला यु-१९ को मुख्य प्रशिक्षकको रुपमा विराटनगरका क्रिकेट प्रशिक्षक महेश रिजाल रहेका थिए। नेपाल क्रिकेट संघ (क्यान) ले २०८१ भदौ ११ गते रिजाललाई टोलीको मुख्य प्रशिक्षकको जिम्मेवारी दिएको थियो। रिजालको मुख्य प्रशिक्षणमा महिला टि-२० विश्वकपको एसिया छनोटको बन्द प्रशिक्षणका लागि २९ सदस्यीय टोलीको घोषणा गरिएको थियो । एसिया छनोटमा ६ खेलमा ५ जित निकाल्दै नेपाल विश्वकपमा छनोट भएको हो । नेपालले यूएईलाई नेटरनरेटमा पछाडि पार्दै विश्वकपमा स्थान बनाएको हो ।
नेपालले आगामी जनवरीमा मलेसियामा हुने आईसिसी यू–१९ महिला टी–२० विश्वकपमा खेल्ने छ ।
