विराटनगर । मोरङ र झापामा सवारी दुर्घटना हुँदा ३ जनाको मृत्यु भएको छ ।
मंसिर १ गते दिउँसो साढे २ बजे मोरङको पथरी शनिश्चरे नगरपालिका-२ स्थित पूर्व पश्चिम लोकमार्गमा बागमती प्र.३-००१ ख२९२८ नम्बरको टिफरले को. २० प ६०७ नम्बरको मोटरसाईकललाई ठक्कर दिई दुर्घटना हुँदा मोटरसाईकलमा सवार पथरीशनिश्चरे-७ का १८ वर्षीय निश्चल आङदेम्बे र पथरीशनिश्चरे-२ का ४८ बर्षीय प्रितम गौतम गम्भिर घाईते भई उपचारको लागि मदन भण्डारी तथा ट्रमा सेन्टर मंगलबारे उर्लाबारी लगिएकोमा अस्पतल पुर्याउनासाथ दुवै जनाको मृत्यु भएको हो ।
त्यसैगरी सोही दिन बेलुका झापाको बिर्तामोड नगरपालिका-२ स्थित पूर्व पश्चिम लोकमार्गमा ना.३ ख ४३६४ नम्बरको ट्रकले मे. १० प ६०१७ नम्बरको स्कुटरलाई ठक्कर दिंदा घाईते भएकी स्कुटर चालक शिवसताक्षी नगरपालिका-७ का २२ की रोजी कटुवालको उपचारको क्रममा बीएण्डसी अस्पताल बिर्तामोडमा मृत्यु भएको हो । दुर्घटनामा संलग्न रहेका टिफरका चालक सुन्दरहरैचा मोरङका ३५ वर्षीय सुरेश राई र ट्रक चालक झापा अर्जुनधारा का ५२ वर्षीय राज कुमार कार्कीलाई प्रहरीले नियन्त्रणमा लिई कानुनी कारबाही तथा आवश्यक अनुसन्धान गरिरहेको प्रहरीले जनाएको छ ।
