विराटनगर । 'स्व. शंकरलाल राठी अन्तर विद्यालय टेबल टेनिस प्रतियोगिता-२०८१' सम्पन्न भएको छ। प्रतियोगिताको अन्तिम दिन जुनियर, सब-जुनियर र क्याडेट तर्फका विभिन्न विधाका खेलहरु सम्पन्न भएको हो ।
जुनियर ब्वाइज सिङल्सतर्फ बुढानिलकण्ठ स्कुलका रुपेश श्रेष्ठले एभरेष्ट स्कुलका सुशान्त मेहतालाई ११-८, १३-११, ४-११,११-९ सेट स्कोरले पराजित गरि प्रथम स्थान प्राप्त गर्न सफल भए । लिलिपुट स्कुलका श्रीजल प्याकुरेल र एभरेष्ट स्कुलका सक्षम बस्नेत संयुक्त रुपमा तृतीय भए ।
जुनियर गर्ल्स सिङल्सतर्फ सेन्ट मेरिज स्कुलकी बिज्ञता थापाले एभरेष्ट स्कुलकी कृपा पोखरेललाई ८-११,८-११,११-६,११-८,११-७ सेट स्कोरले पराजित गर्दै प्रथम स्थान प्राप्त गर्न सफल भइन । बुढानिलकण्ठ स्कुलकी आकृति मगर र सेन्ट जोसेफ स्कुलकी अनोखी साह संयुक्त रुपमा तृतीय भए ।
सबजुनियर ब्वाइज सिङल्सतर्फ बुढानिलकण्ठ स्कुलका आदर्श राजबंशीले अरनिको स्कुलका आयुद्द भण्डारीलाइ ११-३,६-११,१०-१२, ११-८,११-५ सेट स्कोरले पराजित गर्दै प्रथम भए । बुढानिलकण्ठ स्कुलका आयन श्रेष्ठ र सोही स्कुलका प्रेम राज थापा संयुक्त रुपमा तृतीय भए ।
सब-जुनियर गर्ल्स सिङल्स्तर्फ श्री श्री रविशंकर विद्या मन्दिरकी स्वस्तिका चौधरी प्रथम भइन, एभरेष्टकी आशना कटवाल द्वितीय, बुढानिलकण्ठकी मानसी तामाङ र सेन्ट मेरिजकी आर्या पराजुली संयुक्त रुपमा तृतीय भए ।
क्याडेट ब्वाइज सिङल्सतर्फ एभरेष्ट स्कुलका रेहान यादव प्रथम, बिकेभिएमका ऋषि साह द्वितीय, पिटर प्यान प्ले पेनका नीर जङ थापा र पोखरिया माविका रक्ष बुढा संयुक्त रुपमा तृतीय भए ।
क्याडेट गर्ल्स सिङल्स्तर्फ श्री श्री रविशंकर विद्या मन्दिरकी प्राप्ती सेढाइ प्रथम, अरनिकोकी स्वर्णिमा कोइराला द्वितीय, अरनिकोकै साइना अधिकारी र सेन्ट मेरिजकी अध्यता गौतम संयुक्त रुपमा तृतीय भए । प्रतियोगीताका उत्कृष्ट खेलाडी बिकेबिएमका अभिराज मेहता घोषित भए भने उदयीमान खेलाडीको पुरस्कार जेम्स इन्टेरनेशनलका बिनायक कार्कीले प्राप्त गरे।
समापन समारोहमा प्रदेश सभा सदस्य भीम पराजुली प्रमुख अतिथिको रुपमा उपस्थित थिए। विराटनगर टेबल टेनिस क्लबका अध्यक्ष बिकेन थापा, सचिव राजेश भट्टराई, अखिल नेपाल टेबल टेनिस संघका उपाध्यक्षद्वय अनुज बाँनिया र मनोहर पोखरेल, वडा प्रहरी कार्यालय विराटनगरका प्रहरी नायब उपरिक्षक बुद्ध श्रेष्ठ, भुपु राखेप वरिष्ठ प्रशिक्षक ध्रुव क्षेत्री लागायतले विजेता खेलाडीहरुलाई पुरस्कार वितरण गरेका थिए।
