विराटनगर । गत बर्ष झै यसपटक पनि दिल्ली पब्लीक स्कुल विराटनगरले दोस्रो संस्करणको अन्तर विद्यालय डिपिएस रनिङ्ग शिल्ड फुटबल प्रतियोगिता हुने भएको छ ।
दिल्ली पब्लीक स्कुलले सोमबार पत्रकार सम्मेलन गरी दोस्रो संस्करणको फुटबल प्रतियोगिता मंसिर १३ गतेदेखी हुने बारे जानकारी गराएको हो ।
कक्षा १० सम्म अध्ययन गर्ने विराटनगर महानगरपालिका भित्र रहेका १२ निजी स्कुलले प्रतियोगितामा सहभागिता जनाउने भएको छ । प्रतियोगितामा लिलिपुट, डनबसको, डिपिएस, सगरमाथा, विकेभिएम, गोदावरी, कोशी विद्या मन्दिर, अरनिको, सनसाइन, अर्पण, मोडनएरा र सेन्टजोसेफ स्कुलको सहभागिता जनाउने डिपिएस स्कुलका फुटबल कोच सुमित डंगोलले जानकारी दिए ।
फुटबल प्रतियोगिताको सबै खेल विराटनगर–५ स्थित डिपिएस स्कुलको खेल मैदानमा सञ्चालन हुने डिपिएस स्कुलका प्रिन्सिपल भीमबहादुर लिम्बुले जानकारी दिए । प्रतियोगिताको विजेता टिमलाई शिल्ड र प्रमाण–पत्र प्रदान गर्ने प्रिन्सीपल लिम्बुले बताए । प्रत्येक खेल ५० मिनेटको हुने र आगामी मंसिर २१ गते फाईनल हुने डिपिएस स्कुलले जनाएको छ।
