विराटनगर । जूनियर जेसिजको २९औं वार्षिकोत्सव सप्ताहको समापन समारोह भव्यताका साथ सम्पन्न भएको छ। गौरव कर्णको अध्यक्षतामा आयोजित कार्यक्रममा विराटनगर जूनियर जेसिजका संस्थापक अध्यक्ष जेसी सन्देश दास श्रेष्ठ प्रमुख अतिथिको रूपमा उपस्थित हुनुहुन्थ्यो।
कार्यक्रममा विशिष्ट अतिथिको रूपमा विराटनगर जेसिजका वर्तमान अध्यक्ष जेसी तुल्सी निरौला उपस्थित हुनुहुन्थ्यो। त्यसैगरी, नेपाल जेसिज वर्ष २०२४ की कार्यकारिणी उपाध्यक्ष तथा २०२५ का लागि राष्ट्रिय अध्यक्षका उम्मेदवार जेसी रजनी थापा, विराटनगर जेसिज पास्ट प्रेसिडेन्ट क्लबका अध्यक्ष सन्दिप दास श्रेष्ठ लगायत विभिन्न पदाधिकारीहरूको उपस्थिति रहेको थियो।
समापन समारोहमा विभिन्न व्यक्तित्वहरूलाई सम्मान गरिएको थियो। विराटनगर जूनियर जेसिजका भूतपूर्व अध्यक्ष जेसी विकल्प न्यौपानेलाई आजीवन सदस्यता प्रदान गरिएको थियो । भने आरोग्य कोइरालालाई उत्कृष्ट कार्यक्रम संयोजकको रूपमा सम्मानित गरिएको थियो। राष्ट्रिय वक्तृत्व प्रतियोगिताकी विजेता अंकिता निरौला र टुम्ला देवी वक्तृत्व प्रतियोगिताकी विजेता संयुक्ता पोखरेललाई पनि सम्मान गरिएको थियो।
कार्यक्रममा फुटसल र क्विज प्रतियोगिताका विजेताहरूलाई गिफ्ट हम्पर र फुड भाउचर लगायतका पुरस्कारहरू वितरण गरिएको थियो।
