इन्दु साह
विराटनगर । मंसिर महिनाको अन्तिमदेखि विराटनगरमा चिसो बढ्न थालेको छ । तर, विराटनगर बजारमा भने जाडोको कपडा खरीदगर्ने ग्राहकको चहलपहल देखिदैन।
बजारमा अहिले चिसोमा लगाउने कपडा व्यापारीहरुले पसलामा सजाएका छन् । मोजा, टाउजर, गलबन्दी, टोपी, ज्याकेट लगायत अन्य विभिन्न प्रकारका चिसोमा लगाउने कपडाहरु बजारमा बिक्रीका लागि राखिएका छन् ।
मंगलबारदेखि विराटनगरमा अत्याधिक चिसो बढेको छ । यस्तो समयमा सबै नागरिकले चिसोमा लगाउन न्यानो कपडाहरु खरीद गर्ने गर्दछन् । तर यता विराटनगरका विगबजारका व्यापारी ३७ वर्षीय उमेश साहका अनुसार अपेक्षा गरिएअनुसार पसलमा ग्राहक आएका छैन्न । उनले भने पुस महिनामा मात्र विराटनगर बजारमा ग्राहक कपडा खरिद गर्न आउने गरेका छन् । यस्तै न्यू आकृति कपडा पसलका ५० वर्षीय भरत अग्रवालका अनुसार यस पटक विराटनगरमा ढिलो चिसो भएकोले ग्राहक अलि ढिलो कपडा खरीद गर्न सक्ने बताए ।
व्यापारीका अनुसार उनीहरुले अहिले पसलमा सजाएका कपडा पछिल्ला वर्षका हुन् । विराटनगरको बजार खाली देखिनुको कारण भारतीय बजार जोगबनी पनि हो । विराटनगरका स्थानीय नागरिकको भिड अहिले जोगबनी बजारमा देखिएका छ । चिसोमा लगाउने कपडा खरीदका लागि नागरिक भारतीय बजार धाउने गरेका छन्।
