विराटनगर। विराटनगर-११ स्थित बालकल्याण विद्यामन्दिर (B.K.V.M.) माविका छात्र सिर्जन घिमिरेले नेपाल विज्ञान तथा प्रविधि प्रज्ञा प्रतिष्ठानको २०८१ सालको 'उत्कृष्ट विज्ञान विद्यार्थी पुरस्कार' प्राप्त गरेका छन्।
राष्ट्रिय परिक्षा बोर्ड (NEB) द्वारा लिइएको कक्षा १२ को बोर्ड परीक्षामा ३.९६ जीपीए ल्याएर नेपाल प्रथम भएका घिमिरेलाई यो सम्मान प्रदान गरिएको हो।
काठमाडौंमा आयोजित एक विशेष समारोहमा घिमिरेलाई नगद पुरस्कार र प्रमाणपत्र प्रदान गरियो। प्रधानमन्त्री एवं प्रतिष्ठानका कुलपति केपी शर्मा ओली, शिक्षामन्त्री एवं उपकुलपति विद्या भट्टराई र प्रतिष्ठानका उपकुलपति दिलीप सुब्बाको हस्ताक्षर रहेको प्रमाणपत्र विद्यार्थीलाई प्रदान गरिएको हो।
विज्ञान विषयमा कक्षा ११ र १२ मा उत्कृष्ट छात्रलाई कदर, प्रोत्साहन तथा सम्मानका लागि नेपाल विज्ञान तथा प्रविधि प्रज्ञा-प्रतिष्ठान (NAST) ले २०७६ मा यो पुरस्कार स्थापना गरेको छ।
