विराटनगर । विराटनगर सिटी फुटबल क्लबको आयोजनामा भएको विराटनगर फुटसल लिगको क्वालिफायर खेलमा रोमाञ्चक प्रतिस्पर्धा देखिएको छ।
सोमबार विराटनगर मधुमारा भीआईपी रोडमा रहेको ज्याम्बोरी नेक्सस लाउन्ज (जेएनएल) मा सम्पन्न क्वालिफायर खेलमा स्टार बोइज एफसीले अपटाउन एफसीलाई ४-१ को फराकिलो अन्तरले पराजित गर्दै फाइनल यात्रा तय गरेको हो।
स्टार बोइज एफसीले फाइनलमा एबी ५ एफसीसँग प्रतिस्पर्धा गर्नेछ। फाइनल खेलबाट लिगको विजेता टोलीको छनोट हुनेछ। उक्त प्रतियोगितामा विराटनगरका विभिन्न ६ वटा क्लबले सहभागिता जनाएका छन्।
आयोजक समितिका अनुसार विजेता टिमले रु. ४० हजार र उपविजेताले रु. २० हजार नगद पुरस्कार प्राप्त गर्ने छन्। विराटनगर फुटसल लिगले स्थानीय फुटबलको विकासमा महत्वपूर्ण भूमिका खेल्नुका साथै युवा खेलाडीहरूलाई आफ्नो प्रतिभा प्रदर्शन गर्ने अवसर प्रदान गरेको आयोजकहरूले बताएका छन्।
