विराटनगर । विराटनगर बसपार्कबाट अवैध चाँदीसहित एकजनालाई प्रहरीले पक्राउ गरेको छ । मोरङ प्रहरीको टोलिले सप्तरी राजविराज नगरपालिका वडा नं. २ घर भई हाल कटहरी गाउँपालिका २ बस्दै आएका ४० वर्षीय संजय स्वर्णकारललाई पक्राउ गरेको हो ।
बिराटनगर महानगरपालिका वसपार्कमा दक्षिणबाट उत्तरतर्फ आउदै गरेको को ०१–०२–०४८ प ७६६८ नम्बरको मोटरसाइकलमा चेकजाँच गर्दा एकलाख २८ हजार बराबरको चाँदी बरामद भएको थियो ।
चाँदीका गरगहना बरामद भएपछि उनी सवार मोटरसाइकलसहित नियन्त्रणमा लिई आवश्यक अनुसन्धान तथा कारवाहीको लागि भन्सार कार्यालय रानीमा बुझाईएको प्रहरी नायव उपरीक्षक बेदप्रकाश जोशीले जानकारी दिएका छन्।
