विराटनगर । लागुऔषध नियन्त्रण ब्युरो विराटनगरको प्रहरी टोलीले लागुऔषध ब्राउनसुगर सहित एक जनालाई पक्राउ गरेको छ ।
पुष १८ गते साँझ भारत बाट नेपालतर्फ आउँदै गरेका सुनसरी इटहरी उप-महानगरपालिका-४ का १९ बर्षीय बिजय लिम्बुलाई १ ग्राम लागुऔषध ब्राउनसुगर सहित विराटनगर महानगरपालिका-१५ स्थितबाट नियन्त्रणमा लिएको हो ।
लागुऔषध ब्राउनसुगरसहित पक्राउ परेका लिम्बुको इलाका प्रहरी कार्यालय रानीबाट थप अनुसन्धान भईरहेको प्रहरीले जनाएको छ।
