विराटनगर । विराटनगरको शनिमन्दिर नजिक कोशी लोकमार्गमा भारतीय ट्रकको ठक्करबाट एक बालक घाइते भएका छन्।
आज(बिहीबार) दिउँसो २:५५ बजेतिर महेन्द्र चोकबाट बरगाछीतर्फ जाँदै गरेको भारतीय नम्बर प्लेट आर जे १९ जीई ६१०० नम्बरको ट्रकले बाटो काट्ने क्रममा रहेका साइकल यात्रीलाई ठक्कर दिएको हो। दुर्घटनामा कटहरी गाउँपालिका-४ निवासी मधुसुधन सिंहका १५ वर्षीय छोरा सिताराम सिंह घाइते भएको जिल्ला ट्राफिक प्रहरी कार्यालय मोरङले जनाएको छ।
दुर्घटनामा परि बालकको दाहिने खुट्टा भाँचिएको र घाइते बालकको कोशी अस्पतालमा उपचार भईरहेको जिल्ला ट्राफिक प्रहरी कार्यालय मोरङका प्रमुख राजन लम्सालले जानकारी दिए।
भारतको राजस्थान जोधपुर निवासी ३८ वर्षीय ट्रक चालक याकुप खानलाई नियन्त्रणमा लिई थप अनुसन्धान भइरहेको प्रहरीले जनाएको छ।
