प्रेम देवान
विराटनगर । विराटनगरमा जारी विराट एक्स्पोमा आज साँझ गायिका तृष्णा गुरुङले माहोल तताउदै छिन् । विराटनगर १४ स्थित डिग्री क्याम्पसको खेल मैदानमा जारी ‘विराट एक्स्पो २०२५’ मा हरेक साँझ हुने साँगितीक कार्यक्रम अन्र्तगत आज साँझ तृष्णा गुरुङको व्याण्डको प्रस्तुति रहेको छ ।
अहिलेकी युवा पुस्तामा निकै नै लोकप्रिय गायिका तृष्णा गुरुङले आफ्नो विशेष प्रस्तुतिबाट दर्शकलाई भरपुर मनोरञ्जन प्रदान गर्ने तयारी गरेकी छिन् ।
आज साँझ ८ बजेबाट सुरु हुुने साँगितीक कार्यक्रममा तृष्णा गुरुङ र उनको ‘द क्लोव’ व्याण्डको हिट गितहरु प्रत्यक्ष प्रस्तुति रहनेछ । विराट एक्स्पोमा नेपाली संगीतप्रेमी तथा विराटनगरका उनका शुभचिन्तकहरु आकर्षित हुने अपेक्षा गरिएको छ । दर्शकहरूले तृष्णाको स्वरमा लोकप्रिय गीतहरू सुन्दै रमाइलो गर्न पाउने आयोजकको दावी छ । गायिका तृष्णा गुरुङ नेपाली संगीत क्षेत्रमा युवा पुस्ताको ढुकढुकीका रूपमा परिचित छिन्। उनका सुमधुर स्वर, मौलिकता, र आधुनिक शैलीका गीतहरूले युवाहरूको मन जित्न सफल भएका छन् ।
तृष्णाका गीतहरूमा ‘माया पिरती, गायिने दाई , खानी हो यामु, साँझको बेला, गुरासै फुल्यो ,रेलैमा जस्ता गितहरु प्रस्तुत गर्ने भएकी छन् । उनको आवाजको गहिराइ, शब्दको छनोट, र प्रस्तुतिको सरलताले उनी युवापुस्तामाझ विशेष प्रिय बनेकी छिन् ।
तस्वीर फाईल
