धनपालथान । श्री हरि सत्संग समिति नेपाल, मोरङ र रोटरी क्लब अफ विराटनगर डाउनटाउन को सहकार्यमा विराट नर्सिङ होमले धनपालथान-०१, दुर्गा चोकमा निःशुल्क स्वास्थ्य शिविर सम्पन्न भएको छ ।
शिविरमा २०० भन्दा बढी बिरामीहरूले निःशुल्क परामर्श र जाँच सेवा लिएका छन्। १०० भन्दा बढी महिलाहरू को स्त्रीरोग विशेषज्ञ द्वारा तथा १५० भन्दा बढी बालबालिकाहरू को बालरोग विशेषज्ञ द्वारा स्वास्थ्य परीक्षण गरिएको थियो।
शिविरले गुणस्तरीय स्वास्थ्य सेवा प्रदान गर्दै रोगको प्रारम्भिक निदान र स्वास्थ्य सचेतना अभिवृद्धि गर्न महत्वपूर्ण भूमिका खेलेको छ। विराट नर्सिङ होम र साझेदार संस्थाहरूको यस्तो पहलले समुदाय कल्याणमा उल्लेखनीय योगदान पुर्याएको छ।
