विराटनगर । घरेलु तथा साना उद्योग महासंघको महिला उद्यमी समितिद्वारा ११५ औं अन्तर्राष्ट्रिय महिला दिवसको अबसरमा चार जना महिलालाई सम्मान गरेको छ । समितिले हरेक बर्ष महिला दिवसको अवसर पारेर विभिन्न क्षेत्रमा योगदान पुर्याउने महिलाहरुलाई विशेष सम्मान गर्दै आएको छ ।
विराटगरको बरगाछीमा रहेको ईन्द्रणी पार्टी प्यालेसमा आयोजित कार्यक्रममा उद्यमीद्वय भगवती श्रेष्ठ र लीलादेवी रिजाल, समाजसेवी शान्ति पाख्रिन र खेलाडी तर्फ दीपा अधिकारीलाई सम्मान गरेको समितिकी अध्यक्ष अमिता भण्डारीले जानकारी दिनुभयो । सम्मानित महिलाहरुलाई कोशी प्रदेश सामाजिक विकास मन्त्रालय, महिला तथा बालकालिका महाशाखाकी प्रमुख दुर्गा बरालले सम्मान गरेका थिए ।
