विराटनगर । मोरङमा अखिल क्रान्तिकारीले खाता खोलेको छ । कानेपोखरीस्थित रमाईलो बहुमुखी क्याम्पसको स्ववियु सभापतिमा अखिल क्रान्तिकारीका अनिश कार्की विजयी भएका हुन् ।
नेविसंघका उम्मेदवार मदन कार्कीलाई १ मतले पराजित गर्दै क्रान्तिकारीका कार्की सभापतिमा निर्वाचित भएका हुन् । अनिशले ५६ मत ल्याउँदा मदनले ५५ मत ल्याएका छन् ।
यस्तै सचिवमा पनि अखिल क्रान्तिकारीका शिशिर कोईरालाले ६२ मत ल्याएर बिजयी भएका छन् । सचिवका नेविसंघका उम्मेदवार जितेश खड्काले ४८ मत ल्याए । अघिल्लो निर्वाच्नमा क्याम्पसको स्ववियुमा अनेरास्ववियुले प्यानलै जितेको थियो ।
