विराटनगर । विराटनगरको महेन्द्र चौकमा भोलि (बिहीबार) डा. महावीर पुनले आफ्नो आत्मकथा पुस्तक बेच्न आउने भएका छन्।
आज (बुधबार) बेलुका ५:४५ बजे सामाजिक संजाल फेसबुकमा पोस्ट गर्दै जानकारी दिएका हुन्।
पुनले आफ्नो फेसबुक पेजमा लेखेका छन्, "भोली बिहान ११:३० बजे देखि बिराटनगरको महेन्द्र चोकमा मेरो आत्म कथाको किताब बेच्न सुरु गरिनेछ । किताब किन्ने पालो अब मोरङ जिल्लाको आयो। किताब किन्न तयार भएर बस्नु होला - महाबीर पुन ९८४१५९२३६१ "
राष्ट्रिय आविष्कार केन्द्रका अध्यक्ष महावीर पुनले आफ्नो जीवनीमा आधारित पुस्तक ‘महावीर पुन, सम्झना, सपना र अविरल यात्रा’ बिक्री गर्दै आएका छन्। राष्ट्रिय आविष्कार केन्द्र स्थापना गरेर वैज्ञानिक अध्ययन तथा अनुसन्धानमा क्रियाशील पुनले वीरगञ्जस्थित कृषि औजार कारखाना सञ्चालन गर्ने उद्देश्य राखेका छन् । त्यही उद्देश्य पूरा गर्न उनले आफ्नो आत्मकथा पुस्तक प्रकाशन गराएका थिए । यसबाट उनले हालसम्म करोडौं आम्दानी गरिसकेका छन् ।
