विराटनगर । पेट्रोलियम डिलर्स एशोसिएसन कोशी विराटनगरले अग्नी नियन्त्रक र चालकलाई सम्मान गरेको छ । विराटनगरमा सोमबार एक कार्यक्रमको आयोजना गरी सम्मान गरिएको हो । यसरी सम्मानित हुनेहरुमा अग्नी नियन्त्रक रमेश मेहता, प्रकाश कोइराला र दमकल चालक राजेश साह रहेका छन् ।
उनीहरुले १३ चैतमा इटहरीमा व्यापारिक भवन सेन्ट्रल प्लाजामा लागेको आगो नियन्त्रणमा साहसी भूमिका खेलेको भन्दै पेट्रोलियम डिलर्स एसशोसिएसनले सम्मान गरेको अध्यक्ष दुर्गाबहादुर बस्नेतले बताए । उनीहरुलाई कदर पत्र र नगदसहित सम्मान गरिएको हो ।
