धनकुटामा ३ क्विन्टल गाँजासहित विराटनगरका एक जना पक्राउ

<span class='c1'>धनकुटामा ३ क्विन्टल गाँजासहित</span> <span class='c2'>विराटनगरका एक जना पक्राउ</span>

धनकुटा । धनकुटामा प्रहरीले एउटा कारबाट ठूलो परिमाणमा लागुऔषध गाँजा बरामद गरेको छ। सोही घटनामा विराटनगर घर भएका कार चालकलाई प्रहरीले पक्राउ गरेको छ।

कोशी प्रदेश प्रहरी प्रवक्ता एसएसपी भीमबहादुर दाहालका अनुसार साँगुरीगढी गाउँपालिका–६ स्थित भेडेटार–रवि–राँके सडक खण्डमा को १ च ३४७८ नम्बरको मारुती कारबाट ३ सय किलोग्राम (३ क्विन्टल) गाँजा बरामद भएको छ। मंगलबार राति इलाका प्रहरी कार्यालय भेडेटारबाट गस्तीमा निस्किएको टोलीले शंकास्पद अवस्थाको कारलाई नियन्त्रणमा लिएर खानतलासी गर्दा कालो प्लाष्टिकले बेरिएको १० पोका गाँजा फेला परेको प्रहरीले जनाएको छ।

गाँजा बरामदसँगै कारलाई नियन्त्रणमा लिएर प्रहरीले विराटनगर महानगरपालिका–१५ का २६ वर्षीय प्रिन्सकुमार साहलाई पक्राउ गरेको छ। पक्राउ परेका साहलाई जिल्ला प्रहरी कार्यालय धनकुटाको हिरासतमा राखिएको छ। उनीविरुद्ध लागुऔषध ऐनअन्तर्गतको मुद्दा चलाउन प्रहरीले म्याद थप गरेर अनुसन्धानको बाँकी प्रक्रिया अघि बढाएको छ।

प्रहरीका अनुसार साहले उक्त गाँजा कहाँबाट ल्याएका हुन् र कहाँसम्म लैजान खोजेका थिए भन्ने यकिन भइसकेको छैन। अनुसन्धानबाट थप कुरा प्रष्ट हुने प्रहरीको भनाइ छ।

यो खबर पढेर तपाईलाई कस्तो महसुस भयो ?

Loading spinner

सम्बंधित खबरहरु


विशेष भिडियो

<span class='c1'>बरगाछीमा ट्राफिक लाईट जडान</span> <span class='c2'>भएपछि ट्राफिक व्यवस्थापनमा सहज</span>

तपाईको प्रतिक्रिया लेख्नुहोस्

slide 3 of 2