विराटनगर । नेपाल टी-१० क्रिकेट प्रतियोगिताको दोस्रो संस्करण आगामी जेठ ४ गतेदेखि १० गतेसम्म विराटनगरमा आयोजना हुने भएको छ ।
उक्त प्रतियोगिता विराटनगर महानगरपालिका वडा नम्बर ६ कार्यालयले आयोजना गर्न लागेको हो ।
प्रतियोगिता कोशी प्रदेश क्रिकेट संघको स्विकृतिमा सञ्चालन गर्न लागिएको आयोजकले जनाएको छ । प्रतियोगिताका खेलहरु विराटनगरस्थित ज्वाला क्रिकेट मैदानमा खेलाइने छ । प्रतियोगितामा सातवटा क्लबको सहभागिता रहने आयोजकले जनाएको छ ।
प्रतियोगताका खेलहरु दिवा तथा रात्री रुपमा खेलाइने आयोजकले जनाएको छ । प्रतियोगिताका क्रममा कुल २३ खेल आयोजना हुने बताइएको छ । प्रतियोगिताले नेपाली क्रिकेटको विकासमा थप टेवा पुग्ने विश्वास आयोजकले लिएको छ ।
फोटो:फाइल
