विराटनगर । नेपाल खानेपानी संस्थान शाखा कार्यालय विराटनगरका प्रमुख सन्तोष कुमार रौनियारका कारण फिल्डमा गएर काम गर्न असहज भएको वितरण प्रमुख दिपकुमार मण्डलले आरोप लगाएका छन् ।
मण्डल सव–ईन्जिनियर पाँचौ तहका कर्मचारी हुन् । तर लामो समयदेखी कार्यालय प्रमुख सन्तोष कुमार रौनियारले आफुलाई काम गर्न असहयोग गरेको भन्दै हारगुहारमा छन् । कार्यालयमा दुई वटा गाडी हुँदा पनि कार्यालय प्रमुखले एक्लौटी रुपमा चलाउने गरेको मण्डलको आरोप छ । विराटनगरका विभिन्न स्थानहरुमा खानेपानीका पाईप लाईनहरु फुटेका हुन्छन् । त्यसलाई मर्मत तथा सम्भार गर्न धेरै सामान लिएर जानुपर्ने भएकाले गाडी उपलब्ध नगराएको उनको आरोप छ । आफुले कार्यालयमा काम गर्ने अधिकारलाई समेत हस्तक्षेप गरेर एक्लौटि रुपमा काम संचालन गर्ने गरेको उनको भनाई छ । स्वतन्त्र रुपमा काम गर्ने वातावरण नदिएका कारण नै बजारमा धेरै ठाँउहरुमा काम रोकिएको छ उनले भने,‘हामीलाई कार्यालय प्रमुखले हरेक काममा अवरोध गर्ने गरेका छन् ।
लामो समयदेखी काम गर्न मलाई अफ्ठ्यारो भईरहेको छ ।’ खानेपानी संस्थानमा कार्यालय प्रमुख रौनियार र वितरण प्रमुख बीचको विवादले बजारमा धेरै काम रोकिएको आरोप छ । बजार क्षेत्रमा खानेपानीको पाईपलाईन फुटेका कारण दुई बीचको विवादले गर्दा समस्या आई परेको छ । आवर विराटनगरको टिम कार्यालयमा पुग्दा बाहिर राखिएको नागरिक वडापत्र पनि लथालिङ्ग अवस्था थियो। भने कार्यालयमा कर्मचारीहरु सरकारी पोसाक विना हाजिर हुने गरेका थिए ।
यता खानेपानी संस्थानका प्रमुख रौनियारले वितरण प्रमुखले लगाएको आरोपहरु सबै व्यक्तिगत रिसिवीका लागि गरेको हुन सक्छ । नितीगत कुरालाई व्यक्तिगत कुरामा ल्याएर विवाद गर्न खोजेको रौनियारले बताए । उनले भने, आफुले कार्यालयमा काम गर्ने वातावरण सधै बनाईदिएको छु , खै के कुरामा चित्त बुझ्दैन भको नभको कुरा लाएर बाहिर बोलेको छ । ‘बरु म आफै मण्डलसँग काम गर्न नसक्ने भएको छु ।’ काम गर्नको लागि मोटरसाईकल दिएकै छ सामान बोक्ने ठेला दिएकै छु अब यहाँ भन्दा पनि अरु के चाहिएको र, म हाकिमले भनेको कुरा नै नटेर्ने भएपछि मैले गाडीहरु नदिएको हो तर मोटरसाईल भने दिएकै छ । कार्यालयमा भएका कमी कमजोरीलाई सुधार गर्दै जाने रौनियारले प्रतिबद्धता जाहेर गरे ।
भिडियो हेर्नुहोस् :
