इन्दु साह
विराटनगर । कोशी प्रदेशमा एक जना महिलामा कोरोना पुष्टि भएको छ ।
विर्तामोड–५ की ५२ वर्षिया महिलामा संक्रमण पुष्टि भएको हो । अहिले उनको अवस्था सामान्य रहेकोले घरमै आईसोलेशन गरिएको बताइएको छ ।
झापाको बिर्तामोडस्थित विर्ता सिटी अस्पतालमा उनको कोरोना पुष्टि भएको कोशी प्रदेश स्वास्थ्य मन्त्रालयका सूचना अधिकारी डा.केनिल राईले जानकारी दिएका छन् । संक्रमितको घर समेत बिर्तामोड नै रहेको जनाइएको छ । डा.राईका अनुसार झापा जिल्ला बाहेक कोशीमा अहिलेसम्म कोरोना संक्रमण पुष्टि भएको केस छैन ।
ज्वरो, रुघाखोकी, सामान्य टाउको दुख्नु लगायतका लक्षण देखिएमा परीक्षण गरेर सावधान अपनाउन भनिएको छ । भारतका विभिन्न राज्यमा कोरोना संक्रमण फैलिएको छ । मोरङ, सुनसरी, झापा, इलाम भारतसँग सीमा जोडिएका जिल्ला हुन् ।
फोटो:फाइल
