विराटनगर । मोरङको जहदा गाँउपालीका २ बिरपुर टोलका लक्ष्मण मरण्डी गरारातीदेखी सम्पर्कविहीन भएका छन् । मामा घरमा रहेकी विरामी आमालाई औषधी पुर्याउन गएका २१ बर्षिया मरण्डी गएरातीदेखी सम्पर्कविहीन भएको मोरङ प्रहरीले जनाएको छ । विरामीलाई साईकलमा औषधी लिएर गएका मरण्डीको शंकास्पद देखिएपछि स्थानियवासीले प्रहरीलाई खबर गरेका थिए । गएराती मामा घरमा रहेकी विरामीलाई आमालाइ औषधी पुर्याउन गएका मरण्डी राती ८ बजेदेखी सम्पर्कविहीन भएको स्थानियले बताएका छन् ।
मरण्डीको साईकल सडकमा बेवारिसे अवस्थामा छाडिएको र आमालाई लगेको औषधीहरु पनि २ — ३ ठाँउमा छरिएको देखिएपछि गम्भिररुपमा अनुसन्धान थालेको जिल्ला प्रहरी कार्यालय मोरङ प्रहरी प्रमुख एसपी नारायण चिमरियाले जानकारी दिनुभयो । हाल प्रहरीले धरानबाट विशेष अनुसन्धानको लागि कुकुर ल्याएर अनुसन्धान थालेको छ ।
त्यसैगरी जिल्ला प्रहरी कार्यालय मोरङका प्रहरी प्रमुख एसपी नारायण चिमरिया सहित ईलाका प्रहरी कार्यालय रानी विराटनगरका प्रहरी निरीक्षक कविन राईको टोली र जहदा गाँउपालीकाका अध्यक्ष जितेन्द्रप्रसाद साह पनि घटना स्थलमा पुगेका छन् । प्रहरीले विशेष अनुसन्धानका प्रहरीको टोली खटाएर शंकस्पथ स्थानहरुमा खोजीकार्यलाई तिव्र बनाइएको प्रहरीले जनाएको छ ।
