विराटनगर । विराटनगर महानगरपालिकाका कार्यपालिका सदस्य संजीवकुमार साहको निधन भएको छ ।
अकास्मात उनलाई असहज भएपछि उपचारका लागि कोशी अस्पतालमा भर्ना गरिएको थियो ।
आकस्मिक कक्षमा भर्ना गरिएका उनलाई चिकित्सकले मृत घोषणा गरेका हुन् । मोरङ प्रहरीका प्रवक्ता कोपिला चुडालले हृदयघातका कारण मृत्यु भएको जानकारी प्राप्त भएको बताइन् । यद्यपी अस्पतालले उनको मृत्युको कारण यकिन गरेको छैन ।
उनलाई करेन्ट सक वा हृदयघात के भन्ने यकिन नभएको प्रहरीले बताएको छ । विराटनगर–१३ नम्बर वडाबाट उनी कार्यपालिका सदस्य समेत रहेका थिए ।
