विराटनगर । नेपाल प्रिमियर लिगको दोस्रो संस्करणको लागि विराटनगर किंग्सले आफ्ना मर्की तथा महत्वपूर्ण खेलाडीहरुलाई रिटेन गरेको छ। टिमले छ जना खेलाडीलाई रिटेन गरेको छ।
रिटेन गरिएका खेलाडीमा राष्ट्रिय टिमका स्टार स्पिनर सन्दीप लामिछाने, युवा फास्ट बलर प्रतिश जिसी, युवा ब्याट्सम्यान लोकेश बम, बासिर अहमद यसका साथै युवा खेलाडीहरु नरेन भट्ट र सुभाष भण्डारी रहेका छन्।
विराटनगर किंग्सले यो वर्ष युवा टोलीलाई प्राथमिकता दिएको जनाउँदै आगामी लिगका लागि आफूहरु नयाँ रणनीतिमा अघि बढेको जनाएको छ।
नेपाल प्रिमियर लिगको दोस्रो संस्करण चाँडै हुने तयारीमा रहेको छ, र विभिन्न टोलीहरूले आफ्नो रिटेन सूची सार्वजनिक गरिरहेका छन्। विराटनगर किंग्सको यो घोषणा पछि समर्थकहरूमा उत्साह थपिएको छ।
