विराटनगर भाद्र २ ,
विराटनगरका मनिष तिम्सिना अफगानिस्तान राष्ट्रिय फुटबल टिमको गोलकिपर प्रशिक्षकमा नियुक्त भएका छन्। अन्तर्राष्ट्रिय स्तरको अनुभव बटुलेका तिम्सिनाले यसअघि भारतका विभिन्न क्लबमा गोलकिपर प्रशिक्षकको जिम्मेवारी सम्हालेका थिए।
फुटबल क्षेत्रमा लामो अनुभव संगालिरहेका तिम्सिनालाई अफगानिस्तान टिमले आगामी प्रतियोगिताहरुमा गोलकिपर विभाग सुदृढ बनाउन महत्वपूर्ण जिम्मेवारी दिएको हो।
उनको नियुक्तिले नेपाली फुटबल प्रशिक्षकले अन्तर्राष्ट्रिय स्तरमा आफ्नो क्षमता प्रमाणित गर्ने अवसर पाएको छ। विराटनगरमा जन्मिएका तिम्सिनाले यसअघि पनि भारतका चर्चित क्लबहरूमा गोलकिपर प्रशिक्षकका रूपमा काम गर्दा उत्कृष्ट परिणाम दिएका थिए।
