विराटनगर । विराटनगर महानगरपालिका–६, झरना चोकमा शनिबार गाई बोकेको सवारी साधन पल्टिँदा नहरमा डुबेर एउटा गाईको मृत्यु भएको छ ।
विराटनगर १४ जतुवाबाट गाइ चढाएर इक्राहीतर्फ लैजादै गरेको प्रदेश १–०४–००१ च १२६८ नम्बरको पिकअप गाडी झरना चोक नजिकै नहरमा पल्टिएको थियो ।
गाडीमा क्षमताभन्दा बढी गाई लोड गरिएका कारण गाडी दुर्घटनामा परेको स्थानिय आलोक साहले जानकारी दिए ।
उक्त गाडीमा चालकसहित गाईका साहु फकनलाल पाल र एक बालिका सवार थिए । दुर्घटनामा परेको गाई र गाडीलाई विराटनगर महानगरपालीकाको डोजरले बाहिर निकालेको थियो । इक्राहीका किसान फकनलाल पालले जतुवाबाट दुई गाइ र दुई बाचाबाछीसहित गाईबस्तुहरू एक लाख दुई हजार रुपैयाँमा खरिद गरी घरतर्फ लैजाँदै गर्दा नहरमा गाडी झरेको थियो ।
