विराटनगर भाद्र २४,
विराटनगर महानगरपालिका र बुढीगंगा गाउँपालिकाको सिमानामा पर्ने पुष्पलाल चोकमा रहेको शहीद पुष्पलाल श्रेष्ठको सालिक आन्दोलनकारीहरूले तोडफोड गरेका छन्।
प्रदर्शनकारीहरूले मंगलबार बिहान प्रहरीको दमनको विरोधमा यो कदम उठाएका हुन्।
सालिक तोडफोड गरेका युवाहरूले चोकको नाम जेनजी चोक घोषणा गरेका छन्।
त्यहाँ प्रदर्शनकारीहरूले टायर बाल्दै आक्रोश व्यक्त गरिरहेका छन्। विराटनगरमा कर्फ्यु आदेश जारी रहेको छ ।
