विराटनगर । उग्र प्रदर्शनमा उत्रिएका प्रदर्शनकारीले विराटनगरस्थित कोइराला निवासमा आगजनी गरेका छन् । यस्तै सिडिओ कार्यालयमा समेत आगजनी गरिदिएका छन् ।
उनीहरूले कोइराला निवासभित्र रहेका विभिन्न सरसामान बाहिर निकालेर आगजनी गरेका हुन् ।
यसैगरी उनीहरूले सिडियो कार्यालयमै प्रवेश गरेर आगजनी गरेका हुन् । प्रदर्शनकारीले सिडियो इन्द्रदेव यादवको क्वाटरमा समेत आगजनी गरेका छन् । प्रदर्शनकारीले कोशी प्रदेशको राजधानी विराटनगरका धेरै सरकारी कार्यालयहरूमा आगजनी गरिसकेका छन् ।
