विराटनगर भाद्र २५,
विराटनगर विमानस्थलमा उडान पुनः सञ्चालनमा आएको छ। अहिले विमानहरू क्रमशः विराटनगरमा अवतरण गर्न थालेका छन्।
विराटनगर विमानस्थलका प्रमुख सुवास झाले आवर विराटनगरलाई जानकारी दिँदै भने, “विमानस्थल सञ्चालनमा आएसँगै विभिन्न एयरलाइन्सका विमानहरू विराटनगरमा आउने क्रम सुरु भएको छ।”
उनका अनुसार यात्रुहरूको सहज आवागमनका लागि आवश्यक तयारी पूरा गरिएको छ र अब नियमित उडानहरू सञ्चालन हुने अपेक्षा गरिएको छ।
