विराटनगर । नेकपा एमालेको एघरौं महाधिवेशनमा विराटनगरबाट पाँच नेताले केन्द्रीय सदस्यमा उमेदवारी दिने भएको छन् । मोरङबाट केन्द्रीय कमिटीमा आकांक्षा राख्ने सातमध्ये पाँचजना विराटनगरका हुन् । यी नयाँ अनुसार काठमाण्डौंको भृकुटीमण्डपमा नेतृत्वका उमेदवारी दिने तयारीमा फारम लिने लाइनसम्म पुगेका छन् । यद्यपी उनीहरुको उमेदवारी कुन समूहबाट हुन्छ भन्ने खुलेको छैन ।
मोरङबाट केन्द्रीय सदस्यमा नरेश पोखरेल, ऋषिकेश पोखरेल, सत्यनारायण चौधरी, पर्शुराम वस्नेत, शान्ति लिम्वु, विमला दाहाल घिमिरे, खेम नेपालीले केन्द्रीय सदस्यमा आकांक्षा देखाउनमा पर्दछन् । यसैगरी बिनोद ढकालको सचिव उमेदवारीको दावी पहिल्यैदेखिको हो । मोरङबाट यसअघि केन्द्रीय सदस्य हुनुभएका जीवन घिमिरे, युवराज बास्कोटा, रामलाल साह, मोति दुगड सोही पदमा दोहोरिने तयारी गरेका छन् ।
