विराटनगर । श्रम संस्कृति पार्टीका अध्यक्ष हर्क साम्पाङ विराटनगर आउने भएका छन् । सुम्निमा सांस्कृतिक परिवार विराटनगरको आयोजनामा हुन लागेको “समसामयिक राजनीतिक परिवेशमा नागरिकको भूमिका” विषयक अन्तक्रिया कार्यक्रममा सहभागी हुन उनी विराटनगर आउन लागेका हुन् ।
आयोजक समितिका अनुसार उक्त अन्तक्रिया कार्यक्रम विराटनगर– १ स्थित विष्णुमाया पुस्तकालयमा बिहान ११ बजे आउने भएका हुन् । कार्यक्रममा वर्तमान राजनीतिक अवस्था, नागरिक भुमिका, सहभागिता तथा जिम्मेवारीका विषयमा खुला छलफल गरिने जनाइएको छ ।
कार्यक्रममा राजनीतिक विश्लेषक, सामाजिक अभियन्ता, बुद्धिजीवी तथा सर्वसाधारण नागरिकको सहभागिता रहने सुम्निमा सांस्कृतिक परिवार विराटनगरले जनाएको छ । आयोजक समितिले नागरिकलाई सक्रिय सहभागिताका लागि कार्यक्रममा उपस्थित हुन अनुरोधसमेत गरेको छ । साथै श्रम सस्कृति पार्टीको प्रथम महानगर भेला माघ ३ गते शनिबार हुने जनाएको छ ।
