विराटनगर माघ २३,
विराटनगर–५ सम्झना चोकस्थित एबीसी स्कुलले विद्यार्थीहरूको स्वास्थ्यप्रति विशेष ध्यान दिँदै स्वास्थ्य जाँच शिविर आयोजना गरेको छ। नोबेल मेडिकल कलेज, विराटनगरका प्रख्यात बालरोग विशेषज्ञ डा. अरुण गिरीको उपस्थितिमा सम्पन्न उक्त शिविरमा स्कुलका विद्यार्थीहरूको विस्तृत स्वास्थ्य परीक्षण गरिएको थियो।
शिविरमार्फत विद्यार्थीहरूको सामान्य स्वास्थ्य अवस्था, शारीरिक विकास तथा आवश्यक परामर्श प्रदान गरिएको स्कुलले जनाएको छ। साथै, यस्ता स्वास्थ्य सेवा कार्यक्रम समय–समयमा सञ्चालन गर्दै विद्यार्थीहरूको स्वास्थ्य सुरक्षामा निरन्तर ध्यान दिने योजना रहेको जानकारी दिएको छ।
स्कुलका निर्देशक विवेक दाहालका अनुसार एबीसी स्कुल विराटनगरमा फरक पहिचान बनाउने शैक्षिक संस्थाका रूपमा अघि बढिरहेको छ। उनले विद्यार्थीको शैक्षिक गुणस्तरसँगै स्वास्थ्य र समग्र विकासमा पनि उत्तिकै प्राथमिकता दिइँदै आएको बताए।
