सुजाता राई
विराटनगर । महाशिवरात्रिको अवसरमा स्वर संगम संगीतालयमा भक्ति संगीत कार्यक्रम सम्पन्न भएको छ। आइतबार ६ देखि ९ वर्ष उमेर समूहका स–साना नवप्रतिभाहरूको आकर्षक आगमन देखियो हो।
बाल प्रतिभाहरूको उत्साहपूर्ण प्रस्तुति सँगै सोही संगमकै प्रशिक्षार्थीहरुको भगवान शिवप्रति भजन सुन्दर, आकर्षक प्रस्तुति र अभिभावकहरूको उल्लेखनीय उपस्थितिले कार्यक्रम थप प्रभावकारी बन्यो। कला, संस्कृतिको संरक्षणमा यस्ता कार्यक्रमले महत्वपूर्ण भूमिका खेल्ने विश्वास व्यक्त गरिएको थियो।
संगीतालयकै अध्यक्ष कुशेश्वर राईको अध्यक्षतामा सीमा आभासले शुभकामना व्यक्त गरेकी थिइन भने कार्यक्रम सञ्चालन महिमा शर्माले सम्हालिन।
