विराटनगर । मोरङमा ६ निर्वाचन क्षेत्रमध्ये पाँचवटामा राष्ट्रिय स्वतन्त्र पार्टी (रास्वपा) का उम्मेदवार अगाडी छन् । एउटा क्षेत्रमा भने श्रम संस्कृति पार्टीका उम्मेदवारले सुरुवाती अग्रता लिएका छन् ।
परम्परागत तथा पुरानो दलले जित्दै आएको क्षेत्र नम्बर १ मा यज्ञमणि न्यौपाने, क्षेत्र नम्बर २ मा कृष्ण कार्की, क्षेत्र नम्बर ४ मा सन्तोष राजवंशी र क्षेत्र नम्बर ५ मा उषा झा र क्षेत्र नम्बर ६ मा रुबिना आचार्य अग्रस्थानमा रहेका छन्।
मतगणना भइरहेको मोरङ–३ मा भने श्रम संस्कृति पार्टीका अमिर मगर अगाडि छन्। काँग्रेस, एमाले र नेपाली कम्यूनिष्ट पार्टी, जनता समाजवादी पार्टीले जित्दै आएका निर्वाचन क्षेत्रमा यस पटक नयाँ दल हावी हुने देखिएको छ ।
