विराटनगर । प्रतिनिधि सभा निर्वाचन मोरङ क्षेत्र नं ६ को पछिल्लो मतगणनाको परिणाममा राष्ट्रिय स्वतन्त्र पार्टी (रास्वपा) का उम्मेदवार रुविना आचार्यले मतान्तरलाई फराकिलो बनाएकी छिन् ।
नेपाली काँग्रेसका नेता डा.शेखर कोइरालाले यस अगाडी जितेको निर्वाचन क्षेत्रमा आचार्यले ९ हजार ५०४ मत प्राप्त गरेकी छिन् ।
निर्वाचन अधिकृतको कार्यालयले सार्वजनिक गरेको १७ हजार ६३८ मतगणनाको विवरण सार्वजानिक गरेको हो । यो गणनामध्ये १६८ मत बदर भएको थियो । दोस्रो स्थानमा नेपाली कांग्रेसका उम्मेदवार कोइरालाले २ हजार १२८ मत पाएका छन् । श्रम संस्कृति पार्टीका उम्मेदवार मातृका पौडेल २ हजार २० मतका साथ तेस्रो स्थानमा रहेका छन्।
नेकपा (एमाले) का उम्मेदवार विनोद प्रसाद ढकाल भने २ हजार ७ मतका साथ चौथो स्थानमा छन्। उक्त क्षेत्रमा राप्रपाका सबिन निरौलाले ३६६ मत, नेकपाका ओपेन्द्रकुमार रायले २७८ मत पाएका छन् ।
