विराटनगर। महेन्द्र चोकमा ऐतिहासिक तथा सांस्कृतिक पहिचानको संरक्षण गर्ने उद्देश्यले राजा महेन्द्रको ऐतिहासिक शालिक पुनर्स्थापनार्थ तदर्थ समितिको गठन गरिएको छ। घनश्याम थापा मगरको संयोजकत्वमा गठित उक्त समितिको नाम “इतिहास तथा संस्कृति संरक्षण अभियान समूह” राखिएको छ।
समितिमा सभिना उप्रेती पोखरेल, निश्चल चन्द्र घिमिरे, मोहित लालवानी, संजय बाबु शर्मा, पशुपति साह, उत्तम दाहाल, विकल कार्की, रेवती रमण दाहाल र विक्रम कार्की सदस्य रहेका छन्।
समितिले इतिहासको पुनरुत्थान र संरक्षणका लागि सबै पक्ष एकजुट हुनुपर्नेमा जोड दिएको छ। युवाहरूले सम्पूर्ण नगरवासीलाई अपनत्वको भावना सहित इतिहास र संस्कृतिको जगेर्नामा सक्रिय सहभागिता जनाउन आह्वान गरेका छन्। साथै, नगरको पहिचान जोगाउँदै ऐतिहासिक धरोहरको संरक्षणमा पहल गरिने पनि समितिले जनाएको छ।
