विराटनगर । भिजिट भिषामा नेपाल आएर धर्म प्रचार कार्यक्रम आयोजना गरेको आरोपमा विराटनगरमा ६ जना विदेशी नागरिक पक्राउ परेका छन् ।
उनीहरुलाइ महानगरपालिका–१२ स्थित होटल इस्टर्न स्टारमा कार्यक्रममा सरिक भईरहेको बेला नियन्त्रणमा लिइएको हो ।
शनिबार ‘लाफिङ बुद्ध’ सम्बन्धी धार्मिक कार्यक्रम गरिरहेका उनीहरूको विषयमा सोधपुछ गर्दा भिजिट भिषामा आएको पाइएपछि अध्यागमन पठाउने तयारी भइरहेको मोरङका प्रहरी प्रमुख कविता कटुवालले जानकारी दिएका छन् ।
पक्राउ पर्नेमा सिंगापुरका नागरिक को वी हक र लोह ली पेङसहित ६ जना विदेशी रहेका छन्। उनीहरूसँगै नेपाली सहयोगी निरा राजभण्डारी र १६ वर्ष मुनिका १२ जना किशोरीसहित कुल ३० जना कार्यक्रममा सहभागी रहेको भनाइ छ ।
