विराटनगर । सरकारले जेठ १४ गते बकर ईद (ईद–उल–अज्हा)को अवसरमा सार्वजनिक बिदा दिएको छ। गृह मन्त्रालयका प्रवक्ता एवं सहसचिव आनन्द काफ्लेले विज्ञप्ति जारी गर्दै जेठ १४ गते बिहीबारका दिन बिदा रहेको जानकारी दिएका छन् ।
यस दिनको बिदाबारे सरकारले गत फागुन १८ गते नै राजपत्रमार्फत बकर ईदमा बिदा दिने उल्लेख गरेको थियो। त्यसअनुसार मुस्लिम आयोगले जेठ १४ गते बिदा ईद परेको जानकारी गराएसँगै बिदा दिइएको हो।
बिहीबार विदा दिएसँगै शुक्रबार, शनिबार र आइतबार गरी चार दिन लगातार विदा पर्नेछ । जेठ १५ गते गणतन्त्र दिवस, १६ गते शनिबार र १७ गते आइतबार समेत सार्वजानिक विदा छ ।
