विराटनगर साउन २७ ।
अन्तर्राष्ट्रिय युवा दिवसको अवसरमा नेपाली युवा उद्यमी मञ्च विराटनगरको आयोजनामा आज रक्तदान कार्यक्रम सम्पन्न भएको छ।
विराटनगरस्थित एमएम प्लास्टिक उद्योग परिसरमा आयोजित कार्यक्रममा ६० पिन्ट रगत संकलन भएको मञ्चका अध्यक्ष रोमल कट्टेलले जानकारी दिए।
विराट मेडिकल कलेजको ब्लड बैंकको सहकार्यमा आयोजित कार्यक्रममा युवाहरू तथा विभिन्न क्षेत्रका व्यक्तिहरूले रक्तदान गरेका थिए। सामाजिक उत्तरदायित्वअन्तर्गत आयोजना गरिएको कार्यक्रमले रगतको अभावमा रहेका बिरामीलाई सहयोग पुग्ने आयोजकले जनाएको छ।
