विराटनगर। विराटनगरमा सम्पन्न स्टेलर अन्तरविद्यालय टेबल टेनिस प्रतियोगिता–२०२६ मा दिल्ली पब्लिक स्कुल (डीपीएस) विराटनगरका कक्षा ६ का विद्यार्थी आदर्श गुप्ताले जुनियर विधामा स्वर्ण पदक जितेका छन्। विराटनगर टेबल टेनिस क्लबको आयोजनामा भएको प्रतियोगितामा उत्कृष्ट प्रदर्शन गर्दै गुप्ताले प्रथम स्थान हासिल गरेका हुन्। उनले स्वर्ण पदकसँगै ट्रफी र प्रमाणपत्र प्राप्त गरेका छन्।
प्रतियोगिताका लागि डीपीएस विराटनगरले विद्यार्थी खेलाडीको सहभागिता गराएको थियो। प्रशिक्षकको मार्गदर्शनमा निरन्तर अभ्यास गर्दै आएका गुप्ताले प्रतियोगितामा आत्मविश्वास र उत्कृष्ट खेलकौशल प्रस्तुत गरेका थिए । विद्यालयले उनको सफलताप्रति बधाई दिँदै आगामी खेल यात्राका लागि शुभकामना व्यक्त गरेको छ।
