विराटनगर कार्तिक २९ ,
विराटनगरको चर्चित स्मृति ब्याण्डले आफ्नो स्थापनाको २५औँ वार्षिकोत्सवको अवसरमा ओबी मिडियाका निदेशक तथा सञ्चारकर्मी प्रेम कुमार देवानलाई सम्मान गरेको छ।
ब्याण्डको स्थापनाकालदेखि नै सञ्चारमाध्यममार्फत ब्याण्डको प्रचारप्रसार र सफलताको यात्रामा महत्वपूर्ण योगदान पुर्याएको भन्दै उनलाई नगद ५ हजार रुपैयाँसहित सम्मान गरिएको हो।
ब्याण्डका सदस्य तथा विराटनगर महानगरपालिकाका प्रमुख नागेश कोइरालाले उनलाई सम्मानपत्र र नगद पुरस्कार प्रदान गरेका थिए।
सञ्चारमाध्यमको साथ, सहयोग र निरन्तर प्रचारप्रसारले स्मृति ब्याण्डलाई यो उचाइसम्म पुर्याउन महत्वपूर्ण भूमिका खेलेको भन्दै ब्याण्डले सम्पूर्ण सञ्चारकर्मीप्रति आभार व्यक्त गरेको छ। देवानले विगत लामो समयदेखि कला र मनोरञ्जन सम्बन्धि कलम चलाउदै आएका छन् । हाल उनी चलचित्र पत्रकार संघ नेपाल मोरङका अध्यक्ष समेत रहेका छन् ।
