दीगो विकासमा जलवायु परिवर्तनलाई उपयोग गर्नेबारे छलफल गर्न आज देखि राजधानीमा जलवायुसम्बन्धी अन्र्तराष्ट्रिय सम्मेलन सुरु भएको छ । नेपालका विभिन्न संस्था र दुईओटा अमेरिकी विश्वविद्यालयको संयुक्त आयोजनामा सम्मेलन आयोजना गरिएको हो । सम्मेलनमा २५ राष्ट्रका वैज्ञानिक तथा नीति निमार्ताहरु सहभागी छन् । सम्मेलनमा जलवायु परिवर्तनका बारेमा ७५ ओटा कार्यपत्र प्रस्तुत, ५५ ओटा पोस्टर प्रदर्शन र २ समूहमा विज्ञहरुको छलफल हुने बताइएको छ । सम्मेलनमा पृथ्वीको तापक्रम बृद्धिसँगै परेको प्रभाव र रोकथामका उपायहरुबारे छलफल हुने बताइएको छ ।
