विराटनगर । लियो क्लब अफ विराटनगर सेन्ट्रल मेघाले विराटनगरमा ‘इन्टर लियो रनिङ शिल्ड फुटसल कप २०१९’ गर्ने भएको छ ।
लियो क्लब अफ विराटनगर सेन्ट्रल मेघाले विराटनगरमा सोमवार पत्रकार सम्मेलन गरी शिल्ड कप हुनेबारे जनाएको हो । आगामी मंसिर २६ गतेदेखी सुरु हुने फुटसल प्रतियोगितामा १६ वटा क्लवको सहभागिता हुने लियो क्लव अफ सेन्ट्रल मेघाका सभापति मनोज तिवारीले जानकारी दिए ।
विराटनगरको मुनालपथमा रहेको स्पोट्स हवमा हुने फुटसल कपमा सहभागी टिमले दुई हजार पाँच सय प्रवेश शुल्क तिर्नु पर्नेछ ।
फुटसल कपमा धरान , इटहरी र विराटनगरका क्लवहरुले सहभागिता जनाउने छन् । फुटसल कपको विजेता टिमले नगद १० हजार नगद सहित सिल, मेडल र प्रमाणपत्र प्राप्त गर्नेछन् ।
विभिन्न लियो क्लबमा आवद्ध युवाहरुको प्रतिभालाई उजागर गर्दै मैत्रीपूर्ण भावनाको विकासका लागि फुटसल कप गर्न लागीएको आयोजकले जनाएको छ ।
