विराटनगर । विराटनगर प्याब्सनले आयोजना गरेको विराट कप फुटबल टुर्नामेन्ट २०७६ को उपाधि एभरेष्ट माध्यामिक विद्यालयले जितेको छ । मंगलबार भएको फाइनल खेलमा डनबस्को स्कुललाई ट्राइब्रेकरमा पछि पार्दै एभरेष्ट उपाधि उचालेको हो । निकै रोमाञ्चक खेलको निर्धारीत ५० मिनेटको खेलमा दुवै तर्फबाट गोल नभएपछि खेलको निर्णय ट्राइब्रेकरबाट गरिएको हो ।
प्रतियोगितामा म्यान अफ द सिरीजको उपाधि एभरेष्ट स्कुलका सलिम चौधरीले पाए । विराटनगर महानगरपालिका, बुढीगंगा गाउँपालिका र ग्रामथान गाउँपालिकाका ४० विद्यालयले प्रतियोगितामा भाग लिएका थिए ।
प्रतियोगिताको समापन समारोहलाई सम्बोधन गर्दै प्याब्सनका केन्द्रीय अध्यक्ष टीकाराम पुरीले खेलकुदको विकासले समग्र देशको विकासमा टेवा पु¥याउने बताए । उनले खेलकुदले अनुशासन, सामाजिक सद्भाव कायम राख्ने मात्र नभई सिंगो मुलुकलाई एउटै सुत्रमा बाध्ने काम गर्ने बताए । साथै युवापुस्तालाई कुलतबाट बचाउन र व्यक्तिको स्वास्थ्य अनुकुल राख्न समेत सघाउने बताए ।
विराटनगर प्याब्सनका अध्यक्ष इन्द्र राईले विराट कप फुटबल २०७६ भव्यताका साथ सम्पन्न भएको भन्दै सहभागि विद्यालय र खेलाडीहरुलाई धन्यवाद दिए ।
