धनकुटा, २० असार : धनकुटाको पर्यटकीयस्थल भेडेटारमा आधुनिक पिकनिक स्पोर्टको निर्माण गरिएको छ । सहरी भवन निर्माण विभागको ५१ लाख तथा स्थानीयको चार लाखसहित कुल ५५ लाख रुपैयाँको लागतमा पिकनिक स्पोर्ट निर्माण गरिएको हो । करिब दश रोपनी क्षेत्रफलमा फैलिएको सो पिकनिक स्पोर्टमा एकैपटकमा एक दर्जनसम्म टोलीले पिकनिक खान सक्ने गरी पूर्वाधार निर्माण गरिएको छ । हाल पानी बिजुलीसहित बाटो, फूलबारी, आधा दर्जन आधुनिक टहरा निर्माण गरिसकिएको छ । व्यवस्थित पिकनिक स्पोर्टको अभावमा यसअघि भेडेटारमा पिकनिक खान आउने व्यक्तिहरु बिजुली र पानीको अभाव झेल्दै खुल्ला ठाउँमै पिकनिक खान बाध्य थिए । भेडेटारमा विदाको दिन एक सयभन्दा बढी टोली तथा अन्य दिन दुई दर्जनको हाराहारीमा पूर्वका विभिन्न ठाउँबाट पिकनिक खान आउने गरेका छन् ।
Makalu
