पथरि असार ३१
पूर्वाञ्चलभरीका जिल्ला शिक्षा कार्यालयमध्ये झापा यस वर्षपनि उत्कृष्ठ भएको छ । झापा यो वर्षसमेत गरी लगातार तेस्रो पटक पूर्वाञ्चल उत्कृष्ठ भएको हो । १५ अन्य कार्यालयलाई पछि पार्दै झापा उत्कृष्ठ भएको क्षेत्रीय शिक्षा निर्देशनालय पूर्वाञ्चल धनकुटाले जनाएको छ ।
निर्देशनालयले कार्यालयले आर्थिक वर्ष २०७१÷७२ मा गरेको कार्य सम्पादन, कार्यालय सञ्चालनको व्यवस्थापन, शिक्षा समितिको बैठक, गठन, निर्णय कार्यन्वयन लगायतका विषयमा मूल्याङ्कन गर्दै उत्कृष्ट कार्यालयका रूपमा पुरस्कृत गरेको झापाका जिल्ला शिक्षा अधिकारी डिल्लीराम लुइँटेलले उल्लेख गरे । झापा जिशिकालाई नगद २५ हजार रुपैयाँ पुरस्कार प्रदान गरेको छ । उदयपुर दोस्रो र इलाम जिशिका तेस्रो भएको छ ।
