उदयपुर, श्रावण ८ गते।
उदयपुरको लेखगाउँमा बिहिवार साझ मालबाहक ट्याक्टर पल्टिदा सहचालकको मृत्यु भएको छ भने ट्याक्टर चालक सहित अन्य एक घाईते भएका छन्।
अपरान्ह करिब साढे ५ बजे खाध्यान्न बोकेर कटारी बाट जाँतेतर्फ जाँदै गरेको ना. ५ त ३५७८ नम्बरको ट्याक्टर लेख गाउँ ६ स्थित धारापानीमा अनियन्त्रित भई सडकबाट करिब ३ मिटर तल खसी दुर्घटना भएको छ। दुर्घटनामा ट्याक्टरका सहचालक उदयपुर लेखगाउँ ३ का २६ बर्षिय झलनाथ श्रेष्ठको घटनास्थलमै मृत्यु भएको छ भने ट्याक्टर चालक उदयपुर त्रियुगा नगरपालीका ३ का चन्द्र नारायण चौधरी र सो ट्याक्टरको साहु लेखगाउँ ३ का ३६ बर्षिय काशिराम श्रेष्ठ सामान्य घाईते भएका छन्। उनीहरुको स्थानिय हेल्थ पोष्टमा उपचार भईरहेको छ।
