विराटनगर २ भदौ ।
जेठाजु र बुहारीबीच पटक पटक अनैतिक सम्वन्ध रहेको आरोप लगाउँदै जुत्ताको माला र चारापाटा केश मुडेर सामाजिक बहिस्कार गरेको अभियोगमा जिल्लाको अमरपुर ५ बाट ५ जनालाई प्रहरीले पक्राउ गरेको छ । पक्राउ पर्नेहरुमा मनकेशर तामाङ, समर तामाङ, दिलवीर तामाङ, वर्ण तामाङ र नन्दकुमार तामाङ रहेका छन् । उनीहरु विरुद्ध सार्वजनिक मुद्धा दर्ता भएको सूचना अधिकारी रविराज थपलियाले जानकारी दिनुभयो । उनीहरुले सोही ठाउँका दावावीर तामाङलाई बुहारीसँग अनैतिक सम्बन्ध राखेको भन्दै जुत्ताको माला लगाई चारपाटा मुढेर गाउँ निकाला गरेको थिए । यसैगरी, सदरमुकाम फिदिम स्थित मुस्कान चोकमा युवतीमाथि अश्लिल हर्कत गर्ने एक युवकलाई प्रहरीले पक्राउ गरेको छ। पक्राउ पर्नेमा विद्यान तामाङ रहेका छन् । प्रहरी निरीक्षक थपलिलाले दिएको जानकारी अनुसार तामाङ विरुद्ध सार्वजनिक मुद्धा दर्ता भएको छ ।
